तिला भेटल्यावर

माहित आहे मला ,
कधीतरी ती गोष्ट येईल ओठावर
पण शब्द अडखळतात ,
तिला बघितल्यावर
आणि कधीतरी ते शब्द चुकवताना
रस्ता बदलतो मी ,
ती भेटल्यावर
सहज सोपी वाटणारी ती गोष्ट
विसरतो , गडबडतो मी
तिला पाहिल्यावर
नव्हे सोपी मनातली ती गोष्ट ,
ती तर आहे एक
दुधारी तलवार
जी सांगितल्याशिवाय
नाही राहवणार
पण सांगितल्यावर
मैत्री गमवायची भीती
सतत सलत राहणार
म्हणून या द्विधा स्थितीत असणाऱ्या,
मनाला आवरतो मी ,
प्रत्येक वळणावर
आणि या ओठावर
रेंगाळणाऱ्या शब्दांना
मी थांबवतो  या अटीवर
तिला सांगूया कधीतरी
योग्य अशी वेळ आल्यावर
कधीतरी सांगेल मनातील ती गोष्ट
तिला भेटल्यावर......
तिला भेटल्यावर.......
                                                     -----नितीन खंडारे