संधी

वेळ नाही हे सतत कारण
देत होतो मी तिला
पण वेळ थांबत नाही हेच
ठावूक नव्हत मला
सवड मिळाली म्हणून जेंव्हा
आलो तिला भेटायला
तेंव्हा मात्र वेळ नव्हता तिला
साध मला आठवायला ?
वेळ ती गेली होती
तिला मी कधी न दिलेला
ती वेळ परत यावी
वाटत आजही या मनाला
कदाचित वेगळीच वेळ असती
आज माझ्या या आयुष्याला
जर मी असतो तिच्याबरोबर
प्रत्येक महत्त्वाच्या वेळेला
मग तीही असती
मी ही असतो
आजही सोबतीला
पण आता ,
वेळ थांबत नाही म्हणून
निघतोय नवीन प्रवासाला
सतत शोधात चाललोय
त्या संधीला , त्या योग्य वेळेला
भेटेल  ती आणि देईल
कलाटणी माझ्या आयुष्याला
                                             -----नितीन खंडारे