प्रेम

पृथ्वी आणि चंद्र असले जरी दूर

तरी बांधली आहे त्यांची गाठ

गुरुत्वाकर्षणाच्या नाजूक बंधनावर 

तसेच,
नकळत बांधले गेलेत आपले सूर
धडधड करणाऱ्या हृदयात
प्रेमाच्या मधुर ठेक्यावर 

म्हणतो आइनस्टाइन ,
प्रेमात पडायला गुरुत्वाकर्षण

नसतो जबाबदार 

मग प्रश्न पडतो की प्रेमात पडतो कसे ?
कसे जुळतात हे तार?

नंतर कळले उलगडले
हे गणित मला हळूवार
कळले प्रेमात पडायला कारणीभूत आहे
फक्त तुझ्या एका कटाक्ष नजरेची धार

                                           ----नितीन खंडारे