व्यसनमुक्त अभियान

विना जाहिरातीची
असे कसे विकले जातात धुम्रपान अन मद्यपान
बडी मिजाज यांची
असतात या भावांचे नेहमीच चढे भाव अन ताठ मान
घेणाऱ्याला पर्वा नाही यांच्या दराची
महागाईची ना  कटकट वाटत अन ना कसला ताण
कश मारताना सिगारेटची
फुस्फुसाचा श्वास घोटला तरी वाटते याची शान
मजा वाटते या धुराची
पण या धुरात हरवतो आपण आपल्या आरोग्याच भान
क्रेझ ऐकली असेल 20-20 ची
पण काहींचा 30,60 अन 90 च्या खेळात असतो जीव की प्राण
मग चालताना होते तारांबळ त्यांची
होतो सूर्याभोवती पृथ्वी फिरते असा साक्षात्कार त्या घोटात छान
आरोग्याला हानिकारकाची
चेतावणी असूनही आपले त्यावरच असते ध्यान
मित्र हो तब्येत नाही तुमची
आहे पूर्ण कुटुंबाची म्हणून छेडा तुमच्या पासून व्यसनमुक्त अभियान

                          

                                                                 ---नितीन खंडारे